Julepaus

Kominn á klakann í góða veðrið og birtu lífsins, frí til 8 jan.

Þangað til,
Gleðileg jól og gott næsta nýja ár

Bráðum kemur blessað jólafríið

Asskoti er mar latur stundum. Það helsta sem er í fréttum af mér er að konan mín hún Elín er komin til flatlendisins eftir að hafa þeyst um heiminn í 3 mánuði. Ég get ekki talið upp allt sem hún er búin að fara, gera eða skoða en þið getð skoðað það á ferðablogginu hennar hér. Hún kom allaveganna heim heil á húfi og harðari en harðfiskur.

Skólinn er búinn að vera rólegur seinustu daga, engin verkefni bara lestur og tímar en svo eru prófin í janúar, svo að jólafríið ef frí má kalla fer eitthvað að hluta til til prófalesturs.

Hönnun bílsins í formúluliðinu er að komast á lokastig. Allir að hamast við að klára sína hluti þar fyrir hönnunarsýninguna sem er 22 des. Þar sem ég er að hanna virkni fjöðrunarinnar er ég mikið að lenda uppá kant við aðra vegna þess að það þarf að hafa ýmislegt í huga við framleiðsuaðferðir, peninga osf. Ætla bara að reyna að sjá til þess að þetta verður klárt áður en ég fer á klakann. En ég er þessa stundina öll kvöld að vinna í þessu ásamt 40manns.

Seinasta laugardag fóru ég og Elín að horfa á nokkurskonar forsmekk af Dakar rallinu. Við fengum lánað mótorhjól hjá þýskum félaga mínum hérna, misgóða galla og hjálma. Fórum á fætur um 7 á laugardagsmorgun og hjóluðum um 150km í morgunblíðu og sól. Það var ótrúlega gaman. Þegar við fórum að nálgast bæjinn sem að brautin var í fór að bætast í hjólahópinn. Brunuðu frammúr okkur hollendingar á endurohjólum alveg í röðum, allir á leiðina á keppnina. Hér er það sjálfsagt að hjólafólk smeygji sér á milli bíla þegar umferð er mikil og við að sjálfsögðu fylgdum bara hópnum. Þegar á brautina var svo komið var það pakkað af
olíumaurum víða að frá Hollandi. Hollenskir keppendur og styrktaraðilar þeirra voru að sýna tækin og búnaðinn sem þeim fylgdi. Þvílíkar græjur, 1000hestafla vörubílar gerðir til að stökkva, flottir landroverar? böggybílar og mótorhjól. Og að sjá þessa kalla það var eitthvað augnarráð hjá þeim öllum. Einhver laus skrúfa. Þeir fara í þessa keppni vitandi að það er mögueiki á að þeir komi ekki aftur. Allann daginn skiptust þeir á að tæta í brautinni og þess á milli voru supermoto hjól og hollenski meistarinn í ralli að taka hringi á malbikshlutanum.
Myndir af þessu öllu saman er að finna hér
Svo er bara farinn að koma tími á að fara heim á klakann í steik, grænar baunir, brúnaðar kartöflur og sósu, mikið af sósu. Ég kanski smelli inn einni færslu áður en þangað er haldið.

Skuggi skegglausi

Ef vídeoið stoppar smellið þá einusinni á tímalínuörina.